Eegaan Rabbii oltahe faarsee Ergama isaa Nabi Muhammadirratti nagayaa fii Rahmata buusee boodaa Nageenyi Rabbirraa Tahe Isinii fii Ummata islaamaa hundarratti haa jiraatiu Sanitti aansuudhaan kan baranaa kan bara hedduu Rabbiin nuhaa godhu Wanni arra laallu yoo Rabbiin fedhe sadarkaa soomanni qabu laallee sadarkaa san akkamitti arkachuu qabna waan ja’u taha Akkuma arraan dura maxxansa torbaanii gubbatti isiniif ibsinee turretti qananiin saamanaa hangana jannee waan himamee dhumuumiti  san keessaa gudoon tan namni islaamaa hundi irraa fayyadamuu qabu tan if bira dabarsuu hin abne Sadrkaa san keessaa

 sawaaba akkaan guddaa kan Rabbiin warra soomanu qofaaf qopheeyse kan sadarkaan isaa hagana ja’amee hin shalagamne akkuma Ergamaan Rabbii (Õáì Çááå Úáíå æÓáã )  hadiisa keessa je’etti  Abii hureeyraan Ergamaa Rabbiiraa odeeysee Ergamaan Rabbii(Õáì Çááå Úáíå æÓáã )  nije’e “Rabbiin oltahe nije’e : dalagaan ilma aadam hundi isaafi soomana malee soomanni kiyya anaatu galata galchaaf anaaf  jacha nyaata isaa, dhugaatii fii fedhii isaa dhiise”
 kana jachuun Rabbiin dalagaa gabroottanii cufa kudhaniin dhibba torbaa haga dachaa hedduu godhee barreeysaaf garuu tan soomanaa tana haga katabuuf  isuma qofaatu beeka

sadrkaan soomanni qaburaa ibiddaa fii waan hamtuu adda addaa irraa gaachana siif taha

Akkuma ergamaan Rabbii (Õáì Çááå Úáíå æÓáã )   je’etti

 “Rabbiin oltahe nije’e : dalagaan ilma aadam hundi isaafi soomana malee soomanni kiyya anaatu galata galchaaf soomanni gaachana, tokkoon kessan yeroo soomana afaanii qabu dubbii hamtuu hin dubbatin, niis hin iyyin, yoonamni tokko isa arrebse takkaa isaan lole ani soomanaan qaba haa ja’uunii. Rabbii lubbuun Muhammad harka jirtutti kakadhee shurfkaa nama soomana afaanii qabuut Rabbi  biratti urgaawa urgaa miskiirra, Rabbiin nija’a nyaataa, dhugaatii fii fadhinna isaa anumaa jacha lakkise” Bukhaarii fii Muslim

Nama soomanuuf gammachuun akaan uddoo isaaf jira

 Hadiisatti ergaman Rabii(Õáì Çááå Úáíå æÓáã )   nije’e “nama soomanuuf gamachuu lamaatu jiraaf  gamachuun takka yeroo soomana furu takka yeroo Rabbii isaatiin wal qunnamee sawaaba arkatu”  Bukhaarii fii Muslim

Qur’aanaa fii soomanni magantaa namaf tahan Hadiisatti egamaan Rabbii (Õáì Çááå Úáíå æÓáã )  nije’e “ soomanaa fii qur’aanni gabrichaaf  guyyaa qiyaamaa magantaa dhaabbataniif soomanni nija’a Yaa Rabbi ani nyaataa,  fii fedhinnaa isaatiin guyyaa isa dhoorgee magan taa isaa narraa qeebali , quraanni niis nija’a yaa Rabbi ani halkan hirriiba isa dhoorge magantaa isaa narraa qeebali akkastti magantaa fuudhaniif” Tirmiizii

 Tanaafuu yaa obboleeyyan islaamaa qur’aana qarauun eega sadarkaan isaa hagana guddatee kan guyyaa jabaa san magantaa Rabbirraa namaaf fuudhu kan namni biroo nama Rabbiin hayyama godheef malee magantaa siif hin fuune cinqii guyyaa sanii irraa nagaya sibaasa soomanniniis akkasuma tanaafuu itti jabaannee soomana keenya akka Rabbiin nurraa barbaadutti gad geeysuu qabna

Soomanni dilii gabroottanii akka araaramuuf  godha

Akkuma hadiisatti Ergamaan Rabbii(Õáì Çááå Úáíå æÓáã )   je’etti “ Salaanni shanan, Jummaa irraa haga jummaatti Ramadaanarraa haga Ramadaanaatti waan dilii jidduu tanaa nibuusa waan diliin gurguddoon irraa fageeyfamteen”

Tanaafuu yaa obboleeyyan islaamaa nuti ammaan tana diliin teenya tan hagan ja’amtuu miti dilii teenya bakka Rabbiin nurraa itti haqu arkannee irraa booda aanuun nurraa hin barbaachisu tanaafuu soomana keenya akk gaaritti tiiyfannee dilii teenya akka Rabbiin nurrraa haquuf tattaa fachuu qabna

amaa soomana heddumeeysuuf Rabbiin akka jannata keessa kophatti hulaa janna taa isaan naqu

Akkuma hadiisatti ergamaan Rabbii (Õáì Çááå Úáíå æÓáã )  je’etti “jannata keessa hulaatu jira tan maqaan isii Rayyaan ja’amtu warra soomanu malee namtokko hin seenu eega isaan senanii nicufamti” Bukhaarii yaa obboleeyyan kiyya kan islaamaa Raabbiin keenya kan oltahe jannata keessa kophatti warra soomanuuf hula san qopheeysee jira akka nuti kheeyrii hedduu arkannuuf nutiis waan Rabbiin keenya nuuf qopheeyse kana itti fayya damuu qabna jabaadhaa jajjabaadhaa.