|
بسم الله
الرحمن الرحيم
Simannaa
Ramadaanaa
Jalqabni maqaa Rabbii
Rahmata qabuuti Eegaan Rabbii oltahe faarsee Ergamaa
Rabbii Muhammadirratti nagaya buuse boodaa
Yaa
Obboleeyyan Islaamaa Rahmanni rabbiin gabroottan isaatiif godhe kan hagana
ja’anii lakkaawanii miti galanni Rabbii oltheef haatahuu, bal’ina rahmata
Rabbii’irraahi ji’a ramadaanaa nuuf godhuun, jiini ramadaanaa ji’a Rabbiin
ji’oota hafan hundarra isii caalchise
Jiini
Ramadaanaa ji’a
barakhaa, ji’a qur’aanni keessa buufame akkuma
Rabbiin oltahe qur’aana keessa je’etti
[jiini
Ramadaanaa ji’a Rabbiin qur’ana keessa buuse, qaceelchaa ilma namaa kan tahe]
qur’aana (2-185) ji’a halkan kabjaa qabu (leeylatul qadri) halkan kun kan
keeyriin isa keessa dalagan kheeyrii ji’a khuma keessa daleeyderra kan caaltu,
akkuma Rabbiin je’etti
[Nuti qur’aana kana halakan kabajaa qabu keessa buufne , halkan
kabajaa qabu kana beeytaa? , halkan kabajaa qabu kun ji’a kumarra caala , halkan
keessa malaaykaa fii jibriiliis hayyama Rabbiitiin bu’an waa hundi halkan san
keessatti nagaya haga aduun baatutti] (Al-qadri)
ji’a kheeyriin
ilma namaa dachatti katabamtuuf, ji’a diliin gabroottanii irraa haqamtu,
Ergamaan Rabbii (N.R.I.H) nije’e “Namni ji’a ramadaanaa soomane Rabbitti amanaa
haala taheen, Rabbirratti hisaabbataa haala taheen, Rabbiin dilii isaa tan
dabarte cufa isaaf araarama” Bukhaarii (32/2014)
ji’a sheeyxaanni keessa
hidhamu, Bukhaarii (30/1899)
ji’a hulaan jannataa saddeettanuu keessa
banamtu, Bukhaarii (30/1898)
ji’a hulaan azaabaa torbanuu keessa cufamtu,
Bukhaarii (30/1899)
ji’a Rabbiin gabroottan isaa ibiddarraa itti bilisoomsu,
ji’a namni kheeyrii akkaan keessa dalagatu.
Yaa obboleeyyan
kiyya kan Rabbiin islaamummaan faaye Rabbii keenya guddaa kan ji’a kana nuuf
uumee sadarkaa isiitiis nuuf guddiseef yeroo hedduu galata haagalchinu
Rabbiin ji’a
kana nuuf godhuun Rahmata isaa irraahi gabroottan isaa qananiisuufi
Akkasuma mee
warra ji’a kanaan afee kheeyrii isii irraa milkaawu nuhaa godhu jannee haa
khadhannuu
Yaa
khabajamtoota obboleeyyan kiyya eega jiini Ramadaanaa kana hunda ifkeessa
qabaate akkuma waliin beeynu torbaan
tokko qofaatu
nuuf hafe mee ji’a kanaaf maal qophooyne???????
Akkuma beekkamu yeroo jiini ramadaanaa dhufa gehe hedduun namaa mana
qalama dibuu fii meeyshaa manaa jijjiiruun shaakhalama, qophii Ramadaanaatiif
garuu qophiin Ramadaanaa sanii miti, mana hin bareeffatinaa meeyshaa hin
bitatinaa osoo hin tahin qulqulleeyfatuun waan nama islaamaa irraa barbaachisu,
kana godhuuniis gaariidha malee hammeenya hin qabu, garuu israaf ifirraa haa
eeynuu qofa, kun hundi qananii lubbuutii
Yaa
obboleeyyan islaamaa wanni nurraa barbaachisu Ji’a Ramadaanaa soomanuun dirqama
nama islaamaa hundaati akkuma Rabbiin qur’aana keessa je’etti Yaa warra Rabbitti
amantan ji’a Ramadaanaa soomanuun dirqama isinirratti godhame akkuma warra
isiniin duraarratti dirqama godhametti akka isin Rabbi sodaattaniif] (Al-baqraa
183) dirqama san akkamittiin isa qeeballa? akkamitti hojjannee bikkaan geenyaa
ja’anii yaaduu fii karoora ammaan kaayachuu
Ji’a ramadaanaa wanni ifqopheeysanii
qeebalaniin tan duraa guddoon ibaadaa Ramadaana keessa godhamtu hunda hojjachuuf
itti yaadanii ifqopheeysuudha Eega waajiba Rabbiin nurra kaaye hunda hojjanne
boodaa waan kheeyrii nuuf qabu hunda, fkn: Qur’aana qara’uu, zikrii godhuu,
sunnaa adda addaa hojjachuu fii waan bu’aa isaaf hinqabnee fii badii hunda
ifirraa dhiisuudha, akkasuma ammallee yoo duraan sheeyxaanni sidaguudhaan dilii
adda addaa kan sidaleeysisu tahe sheeyxaana san adawwii tee tahuu ifirraa
beeytee dilii hojjachaa turte sanhunda ifirraa dhiisuudhaan gara Rabbii keetii
deebitee araarama kadhachuu qabda
Yaa obboleeyyan
kiyya kan islaamaa namnummaan islaama tahe hundi kan dilii dalaguudhaan ibidda
seenuu fedhu waa hin jiru laafinuma qalbii isaatiin sheeyxaanaa fii lubbuun isaa
deeydee Rabbii isaatii waliin isa wal dhoorkiti namni islaamaatiis san hunda
ifirraa beekee sheeyxaanticha adawwii isaa saniis ifirraa beekee Rabbii isaa
qabtee ji’a Rabbiin isaaf qopheeyse tana itti fayyadamuudhaaf
tattaafachuu
Yaa
gabricha Rabbii
dilii amma dura daleeyde hunda ifii teetiif
jaalattee hin daleey-ne kan sidaleeysise adawwii Rabbii tiifii adawwii teeti kan
akka ati isaa waliin azaaba seentu fedhu akka ati isaaf waahela (shariika)
taateefii isaa waliin gubattu fedhu san sheeyxaanaa atiis ifirraa beekii jalaa
deebi’i Rabbii guddaa qabdaa kan haadhaa abbaa keetirra harka dhibbaa ol
sijaalatu kan jaalala teetiif islaamummaa siif kanne akkuma Ergamaan Rabbi
(N.R.I.H) nuun ja’utti “
Rabbiin
addunyaa kan jaalatuu fii kan hin jaalanneefiis nikanna garuu islaamummaa nama
jaalatu qofaaf kenna” eega Rabbiin kee kan akkana sijaalatu tahe sigubuu
irraahiis haajaa takka hin qabu, halkanii guyyaa koottuu araarama nakadhadhu
siifiin araarama je’ee siyaamutti jira, akkuma qur’aana keessa ja’utti
[Yaa warra
Rabbitti amantan gara Rabbii tawbaa deebi’aa tawbaa qulqulluu] (Al-tahariim)
tanaafuu gara Rabbii keetii taawbaa deebitee qananii Rabbiin siif qopheeyse tan
ji’a Ramadaanaa tana akkaan kheeyrii keessa hojjachuudhaan itti fayyadamuu
qabda.
Yaa warra
Rabbiin iimaanaan faaye waa isinirrallee hin beekuu, garuu dhaamsi kiyya kan
maayyii: jiini Ramadaanaa kun akka bilaashitti nubira hin dabarre osoo nuti
bu’aa jiini kun nuuf fidee dhufe kana irraa hin fayyadamne, maaliif yoo janne
jiini kun lamada nuuf hin deebi’u namuutuu nibeeka kan bara
dheengaddaa waliin soomanne kan barana hin jirre meeqaantame (Rabbi nama
islaamaa kan jiruu fii kan du’e hundaaf Rahmata haagodhuu), meeqaantami kan bara
dheengaddaa fayyaa qabu kan bara dhukkubsatee soomana dadhabe, meeqaantami kan
bara dheengaddaa yeroo balloo qabaachuudhaan kheeyrii hedduu dalagatee garuu
barana yeroo san dhabuudhaan sheenawaa jiru, saniifuu
yaa
obboleeyyan kiyya waa hundi bakka takka hin teeysu nijijjiiramti, osoo yroo
qabnuu, osoo fayyaa qabnuu, osoo lubbuun jirruu osoo guyyaa boruu hin sheenoowne
kana hundaaf ammaan itti yaannee itti qophaawuu qabna, kheeyrii ramadaanni nuuf fide tanatti fayyadamuu qabna.
Yooniin jacha
dogongoraa dubadhe lubbuu tiyyaa fii sheeyxaanarraahii, yooniin sirrii dubadhe
Rabbi biraahi . |
