|
بسم الله
الرحمن الرحيم
Maaliif if
daganna.?
Rabbiin ol tahe biyyee irraa abba kheenya aadam uume, nutiis haadhaa
abbaa kheenya irraa nu uume.
yaa obboleeyyan islaamaa Rabbiin
nutii khana bilaash waa nun uumne. akkuma namuu beekhutti akka isa gabbarruuf nu
uume. akkuma Rabbiin
aayata qur'aanaa keessatti ja'utti (ani ilma
namaatii fii jinniis waa hin uumne akka na gabbaraniif malee)yaa jaalatamtoota
kheenya eega dubbiin akkas taate wanni nuti duniyaa tanarratti argamneef Rabbii
kheenya guddaa gabbaruu qofa. tanaafuu maaliif addunyaa dhumtuu, tan faa’idaa
hin qabne, tan boru irraa deemnu tanaaf jannee fedhii lubbuu xiqqoo tanaaf waan
Rabnbiin nu uumeef guddoo tana irraanfanna? Maaliif if daganna?
.yaa ummata islaamaa yoonifi waan
uumamneef guddoo tana lakkisnee fedhii teenya jala olii gad deemnee qaalii
sheeyxaanaa godhuun sheeyxaana gabbarre hoongooynee beekhaa. namni isa jala
deeme hongoollee tan duniyaa fii aakhirati hoongawa. akkuma Rabbiin qur'aana
kessatti ja'utti (namni gorsa khiyya irraa garagale jiruu cinqiitu isaaf jira
guyyaa qiyaamaallee khan ballaa taheetu
khaafama(haqarraa)...)
yaa
khabajamtoota obboleeyyan islaamaa waan aakhiratti nu eeggatu osoo
beeynee waajiba (waan uumamneef) dagachuu dhiisii dhiisuu lakkisii silaa kharaa
kheeyrii adda addaatti jajjabaanna, .akkasuma waan hamtuu taaterraa if tiiysuutu
nurra jira.akkuma ergamaan Rabbii(N.R.I.H) hadiisatti nuuf dhaamanitti “osoo
waan ani beekhu beeytanii xiqqo khofaltaniiti hedduu boochan”
je'e.
yaa obboleeyyan islaamaa maaliif
daganna cinqii guyyaa qiyaamaa kheessa jirtu namuu gurraa qabnaa. eega akkas tahe waan uumamneef khana maaliif
daganna.? Rabbbiin ol tahe qixaanni isaa akkaan jabaadha nama qaalii isaa dide
hundarrattuu,akkuma hujiin isaanii walirra hamtuutiini qixaanni isaaniilleen
walirra jabaata.
yaa
obboleeyyana khiyya khan islaamaa cinqiin guyyaa qiyaamaa tun yoo haasawan hin
dhumtuu mee xiqqoo irraa haa dubbannuu. garuu waa'ee ibiddaa asirratti maaliif
heddummeeysitan nuun hin ja'inaa azaabni uumaa Rabbiitii khan Rabbiin nama
qaalii isaa dide adabuuni. tanaafiin anilleen isa asirratti hedduu dubbadhe.
isinumaatu obboleeyyan khiyyaa tanaafiin isinii quudhuu dadhabe nuufii
isinilleen yeroo khana dhageenye akka waan hamtuu irraa fagaannee waan toltuu
daleeynee azaaba Rabbii jalaa baanuufi Rabbiin nuhaa tiiysuu. azaabni
Rabbii san khan gubiinsi isaa akkaan jabaati kan ibidda aduniyaa kanarra harka
jahaatamii sagaliin (69%) caalu. yaa obboleeyyan koo: kan duniyaa kunuu kan
akkanatti nama gubu maalayyaa kan aakhiraa sani!!!. Akkasumaa waliin
gadi fageenyi isaa hoo hangam takka akka tahe beeynaa? hadiisatti
ergamaan Rabbii (n.r,i,h) nuuf himan .guyyaa tokko osoo sahaabaa isaatii waliin
taa'utti jiranii sagalee (sawtii) wahii tan dib jattu dhagahan. yeroo san
erganmaan Rabbii (n.r.i.h) ni ja'een: sagalee tana beeytuu? ja'eeti isaan
gaafate . yaa ergamaa Rabbbii hin beeynu ja’aniin . ergamaan Rabbii (n.r.i.h) ni
ja'een sagaleen dibii isin amma dhageeysan tun dhagaa amata
torbaatam
dura qarree (fiinxa)ibidda jahannam irraa
darbamteetu arra hundee isii jalatti bu'e (jala isiitti gadi bu'e)”. eega gadi
fageenya isaa beeyne guddinni isaahoo hangam takka
haatahu?
silaahuu dhagahuu waa hin ooltanii
anilleen isinumaan yaadachiisa ergamaan Rabbii(n.r.i.h) hadiisatti yeroo nuuf
himan guyyaa qiyaamaa
ibidda jahannam san shoorreeysaati fidan dirree
qiyaamaa haala shanshalanni kuma torbaatam itti jiruun cufa shanshalataarrattuu malaaykaa kuma torbaatamiitu jira. akkana
jachuun shanshalata tokko maleeykaa kuma torbaatamiitu harkisa jachuudha. duuba
waliigalli malaaykaa sanii yeroo hisaabamu malaaykaa miliyoona kuma afurii fii
dhibba sagal (4,900,000,000) taha.malaaykoota Rabbii kan guddina isaaniitii fii
jabeenya isaanii Rabbummaan qoftiin beeku. beekkumsa isiidhaa. eegasii guddina
ibidda jahannam hanga tahe isunummaan shalagaa mee. silaahuu hangas jannee
guututti ibsuun heedduudha ulfaataa. akkanaa wajjiin Rabbiin isa khana akkanamaa
fii jinnirraa nama isa dideen guutu ibiddaaf baallama seene.
Rabbiin ol tahe
qura'aana kheeysatti ni je'e ani jireenyi kiyya dhugaadha ammallee dhugumaan dubadha ifitti khakhadhee ibidda
jahannam niin guuta siifii(ibliis) warra si jala deeme
hundaan]
yaa obboleeyyan islaamaa
akkuma guddina ibiddaatii fii gad fageenyi isaa dubbatametti nyaataa fii dhugaatiin warra ibiddaalleen
akkasumatti afanni isaaniitii fii wanni isaan gaaddiseeyfatanilleen haaluma
saniin isaaniif qophaaweeti jira. .wanni isaan nyaataniis muka maqaan isaa
yaa'ii beeraa(shajaratuzzaqquum) ja'amuu kan hadhaa isaa irraa khokkee nama gad hin dabarre) ammallee
akkasuma
wanni isaan dhugan bishaan danfaa kan yeroo
isa
dhugan mar'imaan takkaa waan garaa keessa jiru
alatti baasu.
akkasuma maamama (malaa) warra ibiddaati dhugan.
akkasuma ammallee wanni isaan gaaddiseeyfatan gaaddisa mukaa kan
damee sadi qabu, kan ibiddaarraa tahe tahuun qur'aanaa fii hadiisa keessatti nuuf mirkanaawee jira.
hadiisatti ergamaan Rabbii(n.r.i.h)
yeroo warra irra laafaa ibiddaa nuuf himan waan ja'e :irra laafaan warra ibiddaa
kan dhooqqoo mila isaa lameen jala dhamala ibiddaa lama khaayani. sababaa saniin
sammuun isaa danfitu kan namtichi san akkasumaa waliin namni akka isaatti
gubatutti jiru hin jiru ja'e ammoo inni san irra laafaa ibiddaatiin gubachutti
jira.duuba irra laafaan qixaaxa ibidda jahannam yoo akkana tahe irra
guddaan qixaaxaa akkam haatahu..?
yaa obboleeyyan islaamaa wanni Rabbiin
ja'u tun cufti dhufaaf teeysii. namni adawwiitu edana natti dhufaa beeku yerooni
jalaa mala dhawata akkuma ergamaan Rabbii ja'etti .tanaafuu nutihoo akkam tahuutu nurraa eeggama?
Maaliif ifdaganna? itti yaaduu
nurra jira.
Akka nuuf dhiite kanatti silaa nuuf
hafte dubbiin laaftuudha garuu guyyaa boruu Rabbiin ilma namaa kan dalagaa isaa
gaarii taatuus gaari dacha dachaan isaaf galcha hamtuu taatuus tan inni dalage
san isaaf galata galcha. hanga beeyladaa duniyaarratti wal miitellee wali irraa
baasuufitti akkuma ergamaan Rabbii(n.r.i.h) nuuf himetti. hadiisa tirmiiziin
odeeyse keessatti abii hureeyraa irraa odeeysee (r.i.h) ergamaan Rabbii ni je’e:
maqaa Rabbiitti khakhadhee haqa namaa galchuuf jiraattan hanga re’eytii gaafahin
qabne(sheenyoo) tan gaafa qabdurraa baafamtuufitti
.
Khanaafuu yaa ummata islaamaa hanga
duniyaa tanarra jirru hanga danda’amutti ibaadatti jabaachuu, hamtuu
dalaguudhabuutu nurraa eeggama akkasuma yeroo ifii tana itti fayyadamuu qabna
maaliif yoojanne gaafii guyyaa boruu sani namaaf laaffistii. hadiisa tirmiiziin
odeeyse keessatti abii barzatal aslamii irraa odeeysee Rabbiin dalagaa isaa
irraa haajaalatuu eergamaan Rabbii nagayaa fii rahmanni irratti haajiraatuu ni
ja’e: miilli lameen
gabrichaa guyyaa qiyaamaa achi hin sossootu
hanga waa afur(4) gaafatamuu umrii isaa waan keessatti fixe, beekkomsa isaa waan
itti dalage, horii isaa eessaa arkate akkasuma maalitti akka baase ammallee
dardarummaa isaa maalitti akka dabarse. hanga gaafii kana bakka itti godhuu bakkaa sanii hin
sossohu.
Yaa obboleeyyan iimaanaa hanga
danda’amutti tan aakhiraa tana sammuu teenya keessa yoo kheenyee itti yaanne Rabbiin waa cufa walitti nuuf qaba.
akkuma hadiisa tirmiiziin anas irraa odeeyse kessatti ergamaan Rabbii(n.r.i.h)
nije’e: “namni aakhiraan yaada isaa taate Rabbiin durummaa qalbii keessa isaaf
kaaya dhimma isaa cufa walitti qabaaf, duniyaalleen dirqama isiitiini isaaf
dhufti .namni ammoo yaada isaa kan duniyaa qofa godhe Rabbiin miskiinummaa ija lameen isaa jidduu kaayaaf
dhimma isaallee duraa faffacaasa
duniyaarraahillee hanguma azalitti
isaaf dabre malee waa hin arkatu”. Yaa obboleeyyan kiyya Rabbi nurraa
haajijjiiruu tan aakhiraa nutti haa urgeeysu |
